البنت اتحب اي زوج اكثر؟؟اانا اقول حدروو عسبت الشباب يعرفون شوو يتخصصون

--------------------------------------------------------------------------------

السلام عليكم

موووضووعي غريب من نوعه بس ناقشت هالموضوع

مع اكثر من شخص

منهم اخواني ربعي عيال خوالي

وكل واحد منهم كان عنده وجهة نظرر

كان سؤالي للربع والحين اسألكم

هل الوضيفه اتشكل اجابيه فقط للزواج اممممم تشكل ايضاا عائق؟؟؟؟

ادري السؤال مب مفهووم عسبت شب بشرحه

معروف ان البنت تبى تتزوج واحد يقدر يعيشهاا مادياا ومعنوياا وروحانيااا وعاطفياااا بشكل سعيد

وهالشي الكل يباه وهذا هوو السبب الرئيسي في الزواج هوو الاستقرار النفسي

انزين انا سؤالي الحينه

الوظايف هذي

الي اهيه

1)الطب

2)الهندسه

3)اداره واقتصاد

4)الشرطه والجيش

5)اعمال حره

........الخ


انتووو لووو ركزتوو

بتشووووفوون الترتيب حسب القيمه الشخصيه في المجتمع

يعني اذا كان دكتور الكل ينبهر منه واذا مهندس كشخه واذا واذا واذا ......الخ


القصد الحينه انتوو البنات بتختارون الريال بوظيفته ولا مالها اهميه

اغلبكم بيقولون عااادي مايهمني اهم شي يقدر يعيشني ولوو في ضروف متواضعه

مع الجوو الي حولي

بس انا بقول لكم شي......ابيكم اتفكرون بهالي النقاط

بذكر لكم اجابيات وسلبيات كل وضيفه


الطبيب

اجابياته :

1)مكانه مرموقه

2)راتب عالي

3)الذكاء الفكري


السلبيات:

واتوقع اغلب الناس ماتعرف هالسلبيات

1)مواقيت الوضيفه ((شفتات يعني عادي يداوم يوم كامل وماتشوفونه الا اليوم العقبه ))

2)واذا شفتيه بيكون واااااااااااااااااااااااااااايد تعبان ((تقريباا معظم الأيام بضيع))

3)بيرمس وايد عن شغله ومين ياه من المرضى

4)وايد بيخاف عليج وعلى عياله


المهندس

إجابيات:

1)الراتب عالي بس اقل عن الطبيب

2)يعرف للأمور اليدويه ((يعني يدبر امور البيت تصليحات بسهوله))

3)كشيخ ((في العاده))

السلبيات:

1)شغلته تتطلب عمله في الحقول ((لمده مابين اسبوعين او الشهر))

يعني ماتشوفينه الا عقب شهر

2) كثير منهم عنده تجارب بحكم الوقت خاصه اذا تأخر في الزواج

3)اذا رد لج قبل مايخلص دوامه او اذا خلص وسيده رد لج اغلبهم يكون معرق ومايتسبح الا يوم يرد ((يعني عقب مايحظنج ويشبعج ريحة العرق ))


اداره واقتصاد

إجابيات:

1)دوام من 8الصبح لين 2 الظهر ((يعني متفرغ لج طول اليوم تقريباا))

2)ينشغل بالي تشغلينه ((لان شغله يخلص الساعه الي يخلص فيهاا دومه))

3)شغلاهم مكتبيه فتكون في المدن ((قريب منج و نظيف من العرق)


السلبيات:

1)الراتب قليل

2)وضيفه مب مضمونه في حالة الزواج قلب الشغل

3)تقريباا الكل عنده هاي الوضيفه فمايفرق كقيمه اجتماعيه ((الا اذا انفرد بالبتفوق))

4) العاده يتحرطم على قلة المال الي عنده


الشرطه والجيش


إجابيات:

1)الأغلبيه عندهم واسطه

2)كشيخ واااااااايد

3)يصرف ماعليه يحب يدلع عمره

4)اجتماعي واااااايد ويااا ربعه

5)العاده قريب منج دوامه شووويه طويل بس قريب يعني اخر اليوم بيرد لج

سلبيات:

1)راتبه قليل

2)بيرد لج معرق بالقووو

3)ممكن مرات قليله يكون شي شفتات

4)بيكون هوو المسيطر في البيت ((هذا الي متعود عليه حكم الرتب))


أعمال حره

إجابيات:

1)طمووووووح

2)ذكي ((اغلب الأحيان))

3)يعرف اسعار السوق وكيف يشتري في الامور ويبيع ((يعني بيفيدج في الامور اغراض البيت))

4)اذا ضرب معاه الحظ ونجحة مشاريعه ممكن يستوي ملياردير


سلبيات:

1)ماعنده راتب يظمن ان كل شهر بينزله شي((بيعيشج مرتاحه))

2)ممكن يخسر بيزاته كلهاا واتردون للصفر

3)شي احتمال كبير انج بتشتغلين وبتصرفين على البيت لين يكون عمره

4)يباله وحده اتروم تتحمل كل شي وااتفكر بمطقيه عن ريلهاا لان تطلع معاه افكار غبيه

.................................................. .................................................. .


انزين انا الحين ذكرت لكم الشخصيات الشباب الي مووجودين

بشكل عااام وابي منكم يالبنات ويالأولاد انكم اتخبروني شي

منوو في اعتقادكم بيكون عليه الإقبال

يعني اذا هالريال تقدم حق وحده البنت عشان وضيفته بتقبله او بترفضه

ابيكم مافتكرون بالأخلاق على اعتبار الكل بذات الاخلاق والدين

بس طبيعه الشغل بالحياه الي تتوقعونهااا

منووووووووووو بيكون عليه تأثير أقوى اتجاه البنت

السؤال:




اي من الريايل بتختاره البنت لان وضيفته تعيبهاا

وأبي السبب؟؟ الي تعتقدونه




((ترى السؤال موجه للبنات وللأولاد))

ومب لازم تنظرون للموضوع بشكل شخصي شوفوه بشكل عام



اتري اجوبتكم لانهاا مهمه


والسموحه على القصووور

اخوكم,,
مخــاوي شمـــــا

سلاميه عالموضوع.. امممممم انا ابا ريليه يكون يداوم باي مكان بس المهم اتكون وظيفه راقيه..

وتسلم عالموضوع ونرقب الزود منك

ما يهمني الوظيفه ولا الراتب ...
المهم انه يخاف ربه ويكون على اخلاق وبس ... ما يهمني شي ثاني ...

تسلم اخويه ع الموضوووع ...
ونتريا يديدك ...